Виктор Вембањама направи голема грешка на натпреварот број два од финалето во НБА лигата.
Њујорк Никс се чудо! Тие имаат 13 едноподруго победи во овие плејоф натпревари и тоа е втор најдобар настап во историјата на лигата, зад легендарните Голден Стејт Вориорс со 15 едноподруго победи во 2017 година.
Њујорчани ги украдоа првите две победи во Тексас и водат со 2-0 против Сан Антонио Спарс, па ако победат во Медисон Сквер Гарден, ќе станат еден од најдобрите тимови на сите времиња.
Ова е само третпат во историјата на кошарката домашниот тим да ги изгуби првите два натпревари од финалето на НБА. Првпат го видовме тоа во 1993 година кога Феникс Санс ги загубија своите први два натпревари од Чикаго Булс.
Баркли и тимот потоа се вратија, но Џордан и неговите соиграчи решија сè во шест натпревари.
Вториот пат го видовме тоа две години подоцна, кога Хјустон Рокетс ги победија Орландо Меџик, а Хаким Олајџувон доминираше на теренот, водејќи го тимот до 4-0 во финалето.
Ако историјата се повтори, една грешка засекогаш ќе го прогонува Виктор Вембањама. При изедначен резултат, 104-104, по промашување на Бренсон, тој имаше дефанзивен скок и кога се обиде да фрли излезен пас до Стефон Касл, го погоди својот бек во грбот.
Тој дури и не погледна што се случува пред него, ја изгуби топката, а со тоа и мечот. Потенцијално и серијата.
Виктор Вембањама моментално минува низ пекол.
Game 2 was tied and then this happened…#NBAFinals pic.twitter.com/OlawVJWzu2
— Mary Rominger (@KSATMaryRom) June 6, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
