Новиот Американец во редовите на МЗТ Скопје, веќе одработи значаен дел од подготовките со македонскиот првак, по што крилниот кошаркар не го крие задоволството од новата средина, соиграчите и стручниот штаб, најавувајќи високи амбиции за претстојната сезона.
„Ми се допаѓа тимот, атмосферата, градот е одличен, а храната е супер. Досега навистина уживам во сè што нуди Аеродром. Мислам дека го најдов својот дом надвор од дома“, вели Ворнер на почетокот од разговорот за клупскта веб-страниица.
Фокусот на Ворнер во моментов е насочен кон подготовка на тимот и градење на вистинска тимска хемија пред почетокот на официјалните натпревари:
„Очекувам да се здружиме и да изградиме одлична тимска хемија, особено сега кога заминуваме на кратки подготовки надвор од Скопје. Мојата единствена желба се победи и шампионски титули. Екипата е одлична, сите се согласуваме и размислуваме исто — сите сакаме само победи и се надевам дека тоа брзо ќе го покажеме на теренот. Чекавме да ни се приклучат и репрезентативците за да влеземе во целосен ритам. Сега е сѐ како што треба“, анализира новиот Американец во МЗТ.
Запрашан за сопствените квалитети и што навивачите можат да очекуваат од него на паркетот, тој истакна:
„Можам да направам од сè по малку. Мојата задача е да поентирам — затоа сум донесен овде, но и одбраната е една од моите силни страни. Можам да чувам играчи на повеќе позиции“, анализира Лесли.
На крајот, новиот адут на аеродромци испрати пофални зборови и за тренерите:
„Соработката со стручниот штаб е одлична од првиот ден, навистина уживам во работата со нив. Верувам дека на крајот заедно ќе се радуваме и ќе си честитаме на направеното сезонава“, заврши Ворнер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
