Голманот на репрезентацијата на Зеленортските Острови, Возиња, ја продолжува кариерата во чилеанскиот гигант Коло-Коло, откако потпиша договор со клубот како слободен агент.
Четириесетгодишниот чувар на мрежата привлече големо внимание на последното Светско првенство, каде беше еден од најзаслужните за историскиот успех на својата репрезентација и пласманот во нокаут фазата.
Зеленортските Острови успеаја да ја минат групната фаза, а потоа во осминафиналето беа елиминирани од Аргентина со минимален пораз.
Возинја во Коло-Коло пристигна по разделбата со португалски Чавес, а во досегашната кариера настапуваше и за клубови од Ангола, Кипар, Молдавија и Словачка.
„Иако играв во помали лиги и за клубови кои не беа европски гиганти, секогаш верував дека припаѓам во голем клуб. Кога стигна повикот од Коло-Коло, немав дилема. Имав повеќе понуди, но овој клуб од почетокот беше мој прв избор“, изјави искусниот голман.
За него настапот на Светското првенство беше најголемиот момент во кариерата, но сега е целосно фокусиран на новиот предизвик.
„Светското првенство е најголемото нешто што ми се случило во фудбалот, но тоа е веќе зад мене. Доаѓањето во Коло-Коло, клуб со огромна традиција, претставува врв на мојата клупска кариера“, порача Возиња.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
