Едно од најчесто поставуваните прашања на летото во кошаркарскиот свет е – каде Леброн Џејмс ќе ја продолжи својата кариера. Нема да биде Голден Стејт на Кари , ниту Денвер на Јокиќ , каде што медиумите веќе го „испратија“ ветеранот, туку, како што стојат работите, неговиот Кливленд.
Леброн има уште една сезона во кариерата, можеби две, и со оглед на неговата поврзаност со Охајо и Кливленд, сосема е природно што ќе ја заврши таму каде што сè започна за него. Да го затвори кругот и една од најголемите кариери видени во спортот.
Бил Симонс го изнесе ова тврдење во еден од неговите најнови подкаст. Симонс теоретизираше дека Голден Стејт едноставно се користи како предност во целата приказна за Леброн, веројатно со цел да се обезбеди максимално можно продолжување на договорот за Ентони Дејвис (Вашингтон) и да се плати Дрејмонд Грин (Голден Стејт) – играчи кои, како и Леброн, се застапувани од истиот агент.
Тоа го поттикна Симонс да изјави дека „Кралот“ се враќа во Кливленд и дека „приказната меѓу Кливленд и Леброн е завршена работа“.
“And now it’s pretty clear they (Golden State) were being used as leverage as LeBron goes back to Cleveland… the Cleveland thing is done,” – Bill Simmons on LeBron’s free agency sweepstakes 👀👀👀 pic.twitter.com/Z9OBX8ADUB
— ESPN Cleveland (@ESPNCleveland) July 10, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
