Атмосферата во Интер станува се потензична, и тоа не само кога станува збор за судбината на тренерот Лучијано Спалети. Тешките преговори со Ванда Нара за новиот договор на Мауро Икарди придонесе раководството на клубот да преземе неочекуван чекор – одземајќи му ја на Аргентинецот капитенската лента.
„Мауро Икардо повеќе не е капитен на Интер. Во иднина капитенската лента ќе ја носи голманот Самир Хандановиќ“ – соопштија од раководството на „нероаѕурите“.
Икарди повеќе од една година преговара за нов договор со Интер, Нара во меѓувреме флертува со Челси, Реал Мадрид и со уште неколку европски гиганти, а ваквиот потег на управата на клубот е јасен знак дека односот на Аргентинецот и неговата сопруга повеќе нема да биде толериран.
За очекување е „нероаѕурите“ во текот на летото да наплатат над 100 милиони евра од продажбата на Икарди, пари што заедно со оние од продажбата на Перишиќ ќе бидат искористени за „ремонт“ на навалната линија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
