Шкендија Арачиново се одлепи на врвот на второлигашката табела откако денеска по голема битка славеше во Неготино против Вардар со 1-2, додека главниот ривал Брегалница претрпе пораз на домашен терен.
Шкендија долго беше во негативо во Неготино, но Десниќ донесе израмнување, пред Љупче Трпески да го постигне победничкиот гол за арачиновци, и тоа во 96. минута од натпреварот.
Брегалница неочекувано загуби среде Штип од Беласица со минимални 0-1. Домашниот тим имаше повеќе од играта, го диктираше темпото, но казната за промашените шанси стигна во 81. минута кога Капсаров го постигна победничкиот гол за струмичани.
Резултати:
Брегалница – Беласица 0:1
Кожуф – Осогово 0:0
Новаци – Слога Виница 4:0
Охрид – Скопје 1:0
Преспа – Големо Коњари 4:2
Саса – Детонит Плачковица 2:2
Тетекс – Победа 1:0
Вардар Неготино – Шкендија Арачиново 1:2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
