Екипата на Велазерими го шокираше досегашниот лидер Гостивар славејќи со 1-2 на гостински терен во 6. коло од Втората лига – Запад, по што го презеде првото место на табелата.
Велазерими до триумфот стигна со погодоците на Адили во 35. минута и Имери во 74. минута од средбата. Почесниот гол за домашните го постигна Филип Деспотовски во 85. минута.
Струга Трим Лум, пак, дојде до победа од 1-0 против Тетекс благодарение на голот од пенал на Фламур Таири во 48. минута од натпреварот.
Еуромилк ГЛ со головите на Флорент Османи и Иван Галевски во второто полувреме со пресврт успеа да дојде до триумф од 2-1 против Зајази, откако гостите имаа водство од 37. минута преку Хашими.
Локомотива славеше против Лабуништа со 3-0 со погодоците на Факиќ, Миленов и младинецот Стефан Коцев.
Новаци со голот на Благоја Наумоски од пенал во 82. минута дојде до триумф од 1-0 против Македонија ЃП.
РЕЗУЛТАТИ – 6. КОЛО
Локомотива – Лабуништа 3-0
Еуромилк ГЛ – Зајази 2-1
Гостивар – Велазерими 1-2
Новаци – Македонија ЃП 1-0
Струга Трим Лум – Тетекс 1-0
ТАБЕЛА: Велазерими 13 бода, Струга Трим Лум 12, Гостивар 11, Еуромилк ГЛ 10, Локомотива 9, Новаци 7, Тетекс 6, Лабуништа 5, Зајази 5, Македонија ЃП 3 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА