Селекторот Данило Брестовац го објави поширокиот список од 23 ракометари кои ќе се борат за место во македонскиот национален тим за кадетскиот Мундијал што од 5 до 18 август ќе се одржува во нашата земја.
На голманската позиција Брестовац на располагање ќе го има Кизиќ, кој бранеше неколку натпревари за првиот тим на Вардар минатата сезона, а во составот се наоѓаат и Костески и Серафимов, кои веќе имаат зад себе настапи за сениорската репрезентација на Македонија.
Собирот е закажан за 10 јули со почеток во 13:30 часот во Струга во Хотел Арбери.
Кадетската репрезентација на Македонија е во групата Ц заедно со репрезентациите на Аргентина, Нигерија, Јапонија, Бахреин и Данска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
