Лионел Меси беше предводник на Барселона и при вечерашниот триумф над Олимпијакос, а одличната партија аргентинскиот генијалец ја круниса со прекрасен погодок од слободен удар.
Со тоа Меси прослави јубилеј, ова беше негов стоти погодок во европските натпреварувања во дресот на каталонскиот гигант. Од овие 100, пет биле постигнати од слободен удар, а 16 со удари надвор од шеснаесетникот. Педантните статистичари пресметаа и дека од „стотката“ само четири погодоци Меси постигнал со глава, дури 82 со својата посилна, лева нога, а 14 со удари со десната нога.
Воедно, ова беше и јубилеен 50. погодок за Аргентинецот во оваа 2017 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
