Никола Ѓоргиев е на само еден чекор до освојување на двојната круна во одбојкарското првенство на Јапонија. Откако кон крајот на минатата година го освои Царскиот куп со тимот на Торај ероус, најдобриот македонски одбојкар сега е на чекор и до шампионската титула.
Торај го освои првото место во плејофот, а со тоа и директен пласман во големото финале, а екипата на Ѓоргиев во голем стил го одигра и првиот финален дуел против Тојота Госеи. Одбојкарите на Торај предводени од македонскиот ас славеа со максимални 3-0 (25-23, 25-20, 30-28), па сега се наоѓаат на само еден чекор до титулата, која се обезбедува со две победи во финалната серија.
Капитенот на македонската репрезентација беше во главна улога и на оваа средба, освојувајќи 19 поени, од кои 17 во наад и два со ас-сервиси.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
