Изминатата вечер беа одиграни шест подготвителни натпревари пред почетокот на новата НБА сезона во кои најнеизвесниот натпревар беше во Шарлот каде Торонто славеше со 109-112. Ванвлит го предводеше својот состав со 23 поени, додека Флин додаде 17. Кај домаќините Розие и Мекденијелс натпреварот го завршија со по 15 поени.
That’s confidence right there ? pic.twitter.com/mBiYhbY6tW
— Toronto Raptors (@Raptors) December 15, 2020
Јута славеше над Феникс со 111-92. Вечерта ја одбележа Руди Гоберт кој оствари учинок од 11 поени и 20 скока, додека најефикасен беше Бојан Богдановиќ кој натпреварот го заврши со 18 поени. Кај Феникс, Букер натпреварот го заврши со 27 поени.
На крилјата на Валанчиунас и неговите 22 поени, Мемфис ја совлада Минесота со 104-123. Кај домаќините Расел постигна 19 поени.
Headed home with a couple of preseason dubs. #GrzNxtGen pic.twitter.com/TZzvDIXFwl
— Memphis Grizzlies (@memgrizz) December 15, 2020
Мајами без Драгиќ беше прегазен од Пеликанс со 92-114. Првиот пик од драфтот во 2019 година, Вилијамс оствари дабл-дабл учинок од 26 поени и 11 скока, додека Инграм додаде 22 поени и 6 скока. Кај Мајами најефикасен беше Тајлер Хиро со 17 поени.
Zion with the crafty finish, and we’re up by 18 ? pic.twitter.com/UI3GJv83oA
— New Orleans Pelicans (@PelicansNBA) December 15, 2020
Натпреварот со многу пресврти се одигра во Охајо каде Кливленд славеше над Индијана со 116-106. Ексум беше прв стрелец со 23 поени, додека Драмонд додаде 17 поени и 11 скока за Кливленд, додека во противничкиот табор Литванецот Сабонис натпреварот го заврши со 18 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА