Новиот Еурофарм Пелистер со Александар Јовиќ на клупата и Звонко Шундовски во раководството, стартуваше со триумф 27-23. Вечерва во Битола „падна“ тимот на Нексе.
Доминацијата на Пелистер ја потврдува предноста која ја имаа битолчани речиси во текот на целиот меч. После водството од 0-1 за Нексе, „зелено-белите“ го презедоа водството и го држеа до крајот на мечот.
Во првиот дел Пелистерци имаа и четири, а на крајот се замина со предност од три. Во вториот дел „експлозија“ на домашниот тим воден од публиката, се стекна и со предност од осум голови. Меѓутоа во финишот со три гола Нексе успеа да намали. Во последните мигови имаа гостите и пенал (ако го реализираа Пелистер ќе беше на третото место), но Кизиќ го одбрани.
Денис Василев со шест гола од осум обиди беше најефикасен ракометар на средбата. Се истакнаа и голманите на Пелистер, Лесјак имаше 11 одбрани, Кизиќ седум, од кои три седмерци меѓу кои и оној во последната секунда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
