Ракометарите на Хрватска обезбедија пласман на Летните олимписки игри 2024 во Париз, откако на квалификацискиот турнир во Хановер, славеа против домаќинот Германија со 30-33.
Хрватите, под водство на новиот селектор, Исланѓанецот Дагур Сигурдсон, кој е прв странец селектор на „коцкестите“ во историјата, тотално ја надиграа фаворизираната Германија и заслужено слават пласман во Париз.
Во првото коло Хрватска ја победи и Австрија па сега со сигурност има место во Париз, а Германците токму против Австрија во последното коло ќе бркаат пласман на Летните олимписки игри оваа година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
