Менаџерот на Манчестер Сити, Пеп Гвардиола, изјави дека дури и евентуалната титула светски клупски шампион нема да ја замени неуспешната сезона која е зад тимот.
За прв пат по осум години, Сити не освои ниту еден важен трофеј, единствено купот „Комјунити Шилд“ на почетокот од натпреварувачката година, меѓутоа, таму каде што беше најважно, резултатите беа разочарувачки според стандардите на „граѓаните“.
Сити заврши на третото место во Премиерлигата, далеку зад шампионот Ливерпул, беше елиминиран во осминафиналето од Лигата на шампионите, а исто така беше поразен во финалето на ФА Купот од Кристал Палас.
Благодарение на ФИФА, која го организираше светското првенство со учество на 32 клуба, Сити има нова шанса да ја спаси сезоната со евентуален куп, но Гвардиола вели дека дури и таков исход не би бил утеха по она што се случи. Во превод, Светското клупско првенство е речиси неважно за клубот.
„Многу пати сум рекол, сезоната не беше добра. Кога ќе завршите на третото место во Премиерлигата и ќе се квалификувате за Лигата на шампионите, тоа значи дека имаше 70 тима полоши од нас. Игравме во финалето на ФА Купот на високо ниво против навистина добар тим, додека Лигата на шампионите беше разочарување. Не бевме добри, беше тешко да се справиме со тоа“ – вели Гвардиола и дополнува:
„Освојувањето на ова натпреварување (Светското клупско првенство) нема да го намали тоа чувство, но мојот чувство во моментов и не е дека ќе го освоиме. Можеме да го продолжиме нашиот престој тука, да биде малку подолго. За јужноамериканските тимови, ова натпреварување можеби е максимум, но за Европејците тоа е само светско клупско првенство“.
Во првиот натпревар од групата, Сити го победи мароканскиот тим Видад од Казабланка со 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
