Италијанскиот репрезентативец, Акиле Полонара, ја води најважната битка во својот живот. Неодамна му беше дијагностицирана миелоидна леукемија. Асот на Виртус беше подложен на интензивна терапија во Шпанија и беше отпуштен од болница по два месеци.
Тој се врати кај своето семејство, иако во изнајмена куќа во Валенсија, каде што е на лекување. На социјалните мрежи се појави видео од приемот што го подготвија неговите деца и никој не остана рамнодушен.
„Откако ја напуштив болницата, сè е подобро, чувствувам дека имам сила. Видеото со децата е создадено сосема спонтано. Ерика ми рече: почекај малку во колата. Потоа одеднаш ме нападнаа со прегратки… Каков момент, по месец и пол. Следното утро, будењето во кревет со нив беше прекрасно. Ја избркаа Ерика од кревет затоа што сакаа да спијат со тато. Дури и не им кажавме дека сум во болница, свекрва ми дојде да ни помогне додека Ерика беше со мене. Тие се уште се мали – Акиле јуниор има три години, а Виторија ќе наполни пет во ноември. Но, таа веќе чувствува дека нешто не е во ред…“ рече Полонара.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
