Еден од најдобрите тенисери на денешницата, Јаник Синер лесно излезе против Марин Чилиќ на стартот од турнирот во Пекинг.
Сопственикот на четири гранд-слем титули го совлада Хрватот со максимални 2-0, по сетови 6-2 и 6-2 во главниот град на Кина.
Двата сета изгледаа многу слично еден на друг. Во првиот резултатот беше израмнет на 2-2. Тогаш Италијанецот врза четири гема и го доби првиот дел од играта со 6-2.
Во продолжение уште пократок беше отпорот на Хрватот. По 1-1 Синер освои четири последователни гема и поведе со 5-1. Следен ривал на Синер ќе биде Французинот Атмане.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
