Саша Обрадовиќ го одработе првиот тренинг по враќањето во Црвена Звезда. Српскиот стратег нема долно време да се адаптира во новата средина бидејќи веќе во вторник го очекува првиот натпревар и тоа против незгодниот Жалгирис.
Обрадовиќ се обрати и пред медиумите велејќи дека неговиот тим треба да има заедништво на теренот.
„Најважно е да бидеме во контакт со играчите. Отсекогаш сум работел на таков начин и имав добар повратен одговор. Имав индивидуални разговори со сите играчи. На теренот е најважно да бидеме поврзани во секој момент. Моделот е натпреварот во Истанбул бидејќи и играчите и клупата беа во одлична комуникација. Играме пред најдобрите навивачи на светот, но сепак треба да играме без емоција. Особено јас, а и играчите мора да бидат концентрирани на играта“, изјави Обрадовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
