Актуелните европски шампиони, кошаркарите на Фенербахче славеа на домашен терен против Баерн со 88-70 во петтото коло од Евролигата со што ја прекинаа серијата од два порази.
За тимот на Шарунас Јасикевичиус, Микал Јантунен одигра одличен натпревар со 15 поени и шут за три поени (5/6), Скоти Вилбекин исто така беше расположен и откако се врати на теренот, ова беше неговата најдобра игра. Тој постигна 14 поени со четири тројки, додека Вејд Болдвин постигна 13 поени, а Донта Хол постигна десет.
Кај Баерн, Обст, Мајк и Габриел постигнаа по 13 поени, а српскиот кошаркар Владимир Лучиќ повторно имаше двоцифрен број поени со десет поени.
Кошаркарите на Олимпија Милано, пак, го победија Жалгирис со 89-78 во Каунас во 5. коло од Евролигата.
Екипата на Еторе Месина направи важен пробив и му нанесе на Жалгирис втор едноподруго пораз сезонава, откако претходно загуби и од Црвена Звезда во Белград.
Во тимот на Милано, тројца играчи постигнаа по 15 поени, додека Марко Гудуриќ имаше учинок од 14 поени (1/2 од поле, 2/4 за три, 6/6 од пенал), седум скока и една асистенција, што му даде индекс на корисност од 21 – највисок во победничкиот тим. Девин Букер имаше 15 поени и седум скока, додека Шилдс исто така заврпи со 15 поени и два скока.
Во тимот на Жалгирис, Буткевичиус имаше 20 поени со седум скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
