Баерн Минхен му го нанесе третиот пораз на Реал Мадрид во низа во Евролигата, откако вечерва на домашен терен го совлада со 90-84. Во меч со многу осцилации и менување на водствата, во еден период „кралевите“ имаа предност од 11 поени разлика, но на крајот ја прокоцкаа. Клучен беше финишот на третата, и целата четврта четвртина кога германската екипа успеа да го направи пресвртот.
Од -11, Баерн на крајот стигна во еден миг до +11 (89-78), па на крајот можеше да си дозволи и опуштање, знаејќи дека разликата е недостижна.
Мајк го предводеше Баерн со 29 поени, додека кај Реал најефикасен беше неговиот сонародник Лајлс со 20 поени.
Македонскиот репрезентативец Ти-Џеј Шортс беше солиден, и постигна 13 поени во победата на Панатинаикос над Макаби од 99-85. Гостите од Израел парираа само едно полувреме, а потоа во третиот период Панатинаикос ја навести победата, за да ја оствари во последната четвртина.
Нан и Осман беа незапирливи кај победничкиот тим со 22, односно со 20 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
