Хрватската ракометна репрезентација пред полуфиналето на Европското првенство против Германија се соочува со низа организациски проблеми што предизвикаа остри реакции од селекторот Дагур Сигурдсон и ракометната јавност во Хрватска.
Веселин Вујовиќ му даде силна поддршка на хрватскиот селектор, оценувајќи го однесувањето на ЕХФ како нехумано и срамно.
Вујовиќ истакна дека играњето натпревари ден по ден во таканаречената „хрватска група“ е неприфатливо и за „хрватската група“ што таков распоред ги фаворизира другите репрезентации.
„Нехумано е што во „хрватската“ група, репрезентациите играат натпревари ден по ден. Не знам како воопшто се согласиле на тоа“, вели Вујовиќ за Индекс, дополнувајќи дека лошите услови за патување, сместување и честите промени ја нарушиле концентрацијата на стручниот штаб.
Вујовиќ потсети дека играчите се најважниот дел од спортот и дека мора да им се обезбедат максимални услови. Тој отворено го поддржа Сигурдсон, истакнувајќи дека самиот претходно бил казнет за критики кон ЕХФ и ИХФ.
„Тие веќе ме казнија затоа што ја кажував вистината. Во оваа прилика, навистина го поддржувам Дагур затоа што е во право“.
Тој, исто така, предупреди за поширокиот проблем со ракометот – лоши датуми за големи натпреварувања, замор на играчите и зголемен број повреди, за разлика од фудбалот и кошарката.
„Ракометарите доаѓаат уморни, играат првенство и се враќаат во клубовите – затоа се случуваат повреди. Тие нè прават будали. Единствениот што може да биде казнет тука е Дагур“.
Тој додаде дека, во случај на санкции против селекторот Сигурдсон, би бил подготвен за радикални потези.
„Би бил подготвен да ја повлечам репрезентацијата од првенството. Нека се направи најголемиот јавен срам“.
И покрај сè, Вујовиќ нагласува дека пласманот во полуфиналето е веќе голем успех, особено имајќи ги предвид повредите и проблемите во текот на целиот турнир.
Тој верува дека Хрватска има шанса против Германија и дека е дополнително мотивирана.
„Хрватска го има тој менталитет и сето ова може дополнително да ги мотивира“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
