Кристијан Виери (52), еден од најдобрите голгетери во историјата на италијанскиот фудбал, даде интервју за „Газета дело Спорт“ по повод утрешното миланско дерби во 28. коло од Серија А. Виери играше за Интер и Милан, но остави неспоредливо подлабок белег во Интер. За тој клуб постигна 123 гола на 190 натпревари за шест сезони. Во Милано беше само една полусезона, во која постигна два гола на 14 натпревари.
Виери се осврна на Лука Модриќ, кој сè уште е брилијантен за Милан на 40-годишна возраст. Десет кола до крајот, водечкиот Интер е десет бода пред својот градски ривал, но навивачите на Милан се надеваат дека со победа би можеле да го нападнат Скудетото.
„Само во Италија толку многу се зборува за возраста на играчите. Па, Модриќ играше за Реал минатата година, а не пред десет години. Да бев менаџер на Милан, немаше да му понудам на Модриќ продолжување на договорот за една сезона, туку веднаш ќе му дадев петгодишен договор“, рече Виери.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
