Сопственичката структура на фудбалскиот клуб ПСЖ, наскоро треба да поднесе барање за НБА Европа. Компанијата „Катар инвестмент груп“, која го има фудбалскиот и ракометниот тим, активно работи на испраќање официјална понуда до НБА.
Нешто вакво не е изненадувачки, затоа што и самите челници од НБА лигата постојано зборуваа за нова франшиза од Париз и идејата за создавање на кошаркарски тимови од фудбалски секции како што се Манчестер или Париз.
Лидерите на НБА го гледаат ПСЖ како голем глобален бренд и идеална можност да го привлечат вниманието кон проектот, кој треба да стартува идната година.
За потсетување, ПСЖ има договор за спонзорство со брендот „Џордан“, а Кевин Дурант е малцински сопственик на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
