ПСЖ скапо ја плати победата на гостувањето против Челси откако актуелниот европски првак остана без услугите на Бредли Баркола.
Одличниот француски офанзивец мораше поради повреда предвреме да го напушти теренот, а деталните прегледи покажаа сериозно истегнување на лигаментите во скочниот зглоб на десната нога.
Добра вест е што лигаментите не се скинати, но Баркола секако го очекува пауза од најмалку дваесетина дена. Ова значи дека големиот талент ќе го пропушти претстојниот собир на француската репрезентација, а крајно неизвесно е дали Баркола ќе може да му помогне на ПСЖ во четвртфиналето од ЛШ во кое „светците“ за противник ќе го имаат подобриот од двомечот меѓу Галатасарај и Ливерпул.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
