Кристијано Роналдо е изоставен од списокот на португалската репрезентација за претстојните подготвителни натпревари пред Светското првенство поради повреда. Капитенот на Португалија се повреди на 28 февруари додека играше за својот клуб Ал Наср, водечкиот тим во саудиската лига, и сè уште не се опоравил од повредата.
Затоа, тој нема да биде подготвен за пријателските натпревари против Мексико на 28 март на реновираниот стадион „Ацтека“ и против Соединетите Американски Држави на 31 март во Атланта.
Селекторот на Португалија, Роберто Мартинез, ги смири навивачите, велејќи дека настапот на Роналдо на Светското првенство, рекорден шести за него, не е во опасност.
„Не, тој не е во опасност за настап на СП. Станува збор за мала повреда на мускулот и веруваме дека ќе се врати за една или две недели. Сè што Кристијано постигна физички оваа сезона покажува дека е во одлична форма“, изјави Мартинез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
