Објавени се првите прогнози за престојното Светско првенство 2026, кое ќе се игра од 11 јуни до 19 јули во Мексико, Канада и САД.
Еден од најпознатите сајтови за фудбалска статистика и анализа „Опта Џо“ објави прогнози за најголемите фаворити на Светското првенство на северноамериканскиот континент.
На 48 дена до почетокот на турнирот, најголеми шанси за освојување на трофејот му се даваат на актуелниот европски шампион Шпанија со 16,3 проценти.
Актуелниот шампион Аргентина е на четвртото место со веројатност од 10,7%, а доколку повторно станат светски шампиони, „гаучосите“ ќе станат првата репрезентација по Бразил во 1962 година што успешно ја одбранила титулата.
Поголеми шанси им се даваат на Франција (12,4%) и Англија (11,3%), додека зад Аргентина на Меси е Португалија на Кристијано Роналдо со 6,9% шанси.
Следат Бразил (6,1), Германија (5,7), Холандија (3,9) и донекаде неочекувано Норвешка (3,4), пред Белгија (2,3), Колумбија (2) и Мароко (1,7).
49 days to go – Holders Argentina 🇦🇷 have the fourth-highest probability of lifting the 2026 #FIFAWorldCup (10.7%).
Should they do so, they would become the first team since Brazil in 1962 to successfully defend the trophy.
Immortality. pic.twitter.com/3H0Df84ChT
— OptaJoe (@OptaJoe) April 23, 2026
Хрватите лути: Крајно потценување!
Крајно изненадувачки, дури на 17. место е селекцијата на Хрватска со 1,3%, што е исто како и домаќинот САД, а пред нив се Уругвај, Мексико, Еквадор и Швајцарија.
„Нема да верувате колку ја потценија Хрватска пред Светското првенство, ќе го паметиме ова за нив“, пишува Вечерњи лист.
Аутсајдерите Курасао, Хаити, Зелено’ртски Острови, Саудиска Арабија и Катар се сместени на дното од скалата и немаат шанси (0%).
Вториот претставник на поранешна Југославија, репрезентацијата на БиХ, е на 32. место со 0,2% шанси за титулата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
