Ракометниот клуб Вардар подготвува нов спектакл за своите навивачи во пресрет на реванш четвртфиналниот натпревар од Лигата на Европа против француски Монпелје.
Позитивната енергија од претходните натпревари продолжува со фан-зона, која ќе биде централно место за загревање на атмосферата пред клучниот дуел. Од клубот ги повикуваат сите поддржувачи да пристигнат порано пред салата „Јане Сандански“. Фан-зоната официјално ќе биде отворена во 18.30 часот на платото пред главниот влез.
„Она што го почнавме со организирањето фан-зони ќе продолжи и во иднина. Целта е на навивачите да им понудиме место за забава и заедничко создавање атмосфера. Најважна е позитивната енергија што сакаме да ја создадеме пред салата, а потоа да ја пренесеме и внатре, на трибините и на теренот“, порачуваат од таборот на „црвено-црните“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
