Македонскиот репрезентативец Никола Серафимов испиша историја со Левски Софија, освојувајќи ја шампионската титула во Бугарија по минималната победа од 1-0 над ЦСКА 1948. Со овој триумф, „сините“ од Софија и математички го обезбедија трофејот на четири кола пред крајот на првенството.
Овој успех има огромно значење бидејќи Левски стави крај на неверојатната 14-годишна доминација на Лудогорец, носејќи го првиот шампионски пехар во своите витрини по пауза од цели 17 години. Веднаш по последниот свиреж, навивачите приредија спектакуларна атмосфера со факелијада, прославувајќи го долгоочекуваниот успех.
Официјалното крунисување и доделувањето на пехарот ќе се случи по натпреварот во следното коло, каде судбината сакаше Левски да се соочи токму со досегашниот шампион Лудогорец.
🇧🇬🏆 For the first time in 17 YEARS, Levski Sofia have won the Bulgarian League!
They have successfully ended Ludogorets’ 14-year dominance of the league title. What a moment for them. 👏 pic.twitter.com/xHtF1pXc7P
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) May 2, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
