Адеми и Ристовски тргнаа со дерби-триумф во 2022 година

Динамо Загреб ја зголеми разликата во однос на Ријека во Првата хрватска фудбалска лига откако во дербито на 21. коло славеше против „белите“ со 2-0 во натпревар во кој настапија три македонски репрезентативци.

„Модрите“ за кои настапија Арјан Адеми и Стефан Ристовски поведоа со голот на Шутало во 22. минута, а три минути пред крајот на првото полувреме мрежата ја затресе и Оршиќ. Ријека на нашиот Дарко Велковски имаше шанса да го ублажи поразот на самиот крај на мечот, но голот на Дрмиќ во 89. минута беше поништен по сугестија на ВАР.

По 20 одиграни натпревари Динамо е на првата позиција на табелата со 43 бода, три повеќе од треттопласиранта Ријека која има и натпревар повеќе.

Standings provided by SofaScore LiveScore

Се вчитува...