Динамо Загреб со една нога веќе е во 2. коло од квалификациите во Лигата на шампионите, откако во првиот натпревар на домашен терен го совладаа исландски Валур со 3-2.
На Адеми му беа потребни само осум минути да донесе водство за домаќините од 1-0, а до полувреме веќе беше удвоена предноста со голот на Мајер од пенал во 41. минута. Адеми со својот втор гол во 72. минута ги постави конечните 3-0. До крајот не успеа да постигне и хет-трик бидејќи не реализираше пенал во 82. минута, а гостите успеаја да ја казнат ноншалнтноста на „модрите“ успевајќи во финишот да намалат на 3-2 со головите на Сигурдсон во 88. и Адолфсон во 89. минута.
Вториот македонски репрезентативец во Динамо, Стефан Ристовски остана на клупата за резерви на овој меч.
ЛИГА НА ШАМПИОНИ 1 КОЛО:
Динамо З. – Валур 3-2
Бодо Глимт – Легија Варшава 2-3
Динамо Тбилиси – Нефчи Баку 1-2
Слован Братислава – Шамрок Роверс 2-0
Лудогорец – Солигорск 1-0
Макаби Хаифа – Алмати 1-1
Малме – Рига 1-0
Теута – Тираспол 0-4
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
