Серхио Агуеро бил причина за паника меѓу аргентинските репрезентативци откако одличниот фудбалер колабирал во соблекувалната на „гаучосите“ на полувремето од натпреварот против Нигерија што се одигра во Кубан, Русија.
Членот на Манчестер сити го постигна голот за водство на Аргентина од 2-0, но потоа се онесвестил во соблекувалната, по што меѓу „гаучосите“ завладеала паника. Откако докторите успеале да му ја стабилизираат состојбата тој веднаш бил испратен во најблиската болница на детални испитувања, кои би требало да дадат одговор на прашањето околу причините за колапсот на одличниот голгетер.
Ова е уште еден во низата проблеми за Агуеро, кој во последните сезони се мачи со различни повреди, а минатиот месец настрада во сообраќајна несреќа во Амстердам, по што речиси цел месец мораше да паузира од терените. Останува да се види колку е сериозен најновиот проблем и дали тој ќе значи дека Агуеро ќе мора да пропушти дел од претстојните натпревари на Манчестер сити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
