Шпанскиот репрезентативец Дани Олмо откри многу интересен детал од почетокот на неговата кариера. Тој го привлече вниманието откако кажа дека го молеле да се слика со Лионел Меси, а тој воопшто не сакал да слушне за такво нешто.
Во интервју за шпански „АС“, Олмо се присетил како во детството имал прилика да се фотографира со ѕвездата на Барселона, а тој одбил заедничка слика, барем за момент.
“Пред да дојдам во Ла Масија, ми пријде пријател на татко ми и ми рече: Ајде, сликај се со Меси. Реков:Не благодарам, не ми треба таква слика! Имав осум години и кој друг одбива да се фотографира со Меси? На крајот бев фотографиран против моја волја, но морам да истакнам дека на крајот мило ми е што ме натераа да го сторам тоа затоа што имам прекрасно сеќавање кое како слика го урамив и стои во мојот дом“, рече Олмо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА