Чилеанскиот интернационалец Алексис Санчез пристигна во Манчестер и се упати кон „Олд трафорд“ каде ќе го потпише договорот со својот нов клуб. Тој доаѓа во Јунајтед во размената со која Хенрик Мхитарјан заминува во Арсенал, а се очекува да стане најплатениот фудбалер во Премиер – лигата, со неделна плата од 430.000 фунти.
Санчез со приватен авион претпладнево долета во Манчестер и замина на медицински прегледи во базата Карингтон, по што и официјално треба да ја добие „седумката“ и да се стави на располагање на менаџерот Жозе Мурињо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
