Шпанскиот тенисер Карлос Алкарас стана третиот играч кој обезбеди место на завршниот АТП турнир кој од 15 до 22 ноември ќе се одржи во Торино, Италија.
Алкарас кој триумфираше на првиот годинешен грендслем турнир Австралија Опен, во текот на сезоната освои 4.050 бодови што му овозможи да биде дел од осумте најдобри тенисери сезонава кои ќе настапат на завршниот АТП турнир.
Пред Алкараз, пласман на завршниот АТП турнир обезбедија првиот тенисер на АТП ранг-листата Јаник Синер и Александер Зверев кој годинава триумфира на Ролан Гарос и на УС Опен.
Минатата година, Алкараз играше во финалето на завршниот АТП турнир и загуби од Синер во два сета.
Следен кој би требало да обезбеди пласман на завршниот турнир е Американецот Бен Шелтон кој исто така има освоено повеќе од 4.000 поени сезонава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
