Алкараз пресече: „Надал секогаш ми бил идол, но Ѓоковиќ е најдобар на сите времиња!“

Карлос Алкараз никогаш не криел колку го почитувал Рафаел Надал додека растел, но не ги ставал своите емоции кон својот сонародник пред резултатите кога зборува за најдобриот тенисер во историјата.

Во разговор за Би-Би-Си, шпанскиот ас јасно го одвои својот идол од детството од играчот кој ја носи титулата најголем на сите времиња.

„Ако ги погледнеме бројките, нема сомнение – Новак Ѓоковиќ е најдобриот на сите времиња“, рече Алкарас.

Тој објасни дека како дете се угледувал на Надал и сакал еден ден да стане играч како него, но дека сè што постигнал Ѓоковиќ е одлучувачки аргумент. Особено нагласи дека српскиот тенисер успеал да ги освои најголемите трофеи и подвизи неколку пати.

Бројките ги потврдуваат зборовите на Алкараз. Ѓоковиќ има рекордни 24 трофеи од Гренд Слем, 40 титули од Мастерс и 428 недели на врвот на АТП листата. Тој е единствениот тенисер кој ги освоил сите Гренд Слем, сите девет Мастерс и Финалниот турнир најмалку двапати, а ја комплетирал својата колекција и со олимписко злато.

Алкараз се осврна и на отсуството на Јаник Синер од Лејвер Купот. Италијанецот го означи почетокот на сезоната со освојување на голем број трофеи, а Шпанецот признава дека ги пропушта нивните натпревари.

Според него, Синер го мотивира секој ден да го подигне нивото на својата игра, додека секој нов дуел дополнително го развива ривалството кое стана централна приказна на модерниот машки тенис. Алкараз се надева дека повторно ќе се сретне со Италијанецот пред крајот на годината, бидејќи знае колку публиката со нетрпение ги очекува нивните натпревари.

Шпанецот ќе го предводи европскиот тим на Лејвер Купот од 25 до 27 септември во лондонската О2 Арена. Негови соиграчи ќе бидат Александар Зверев, Каспер Руд, Јакуб Меншик, Флавио Коболи и Рафаел Ходар, додека од другата страна ќе биде светскиот тим предводен од Тејлор Фриц, Алекс де Минор и Александар Бублик.