Фернандо Алонсо и дефинитивно одлучи – ќе прифати нов предизвик во кариерата натпреварувајќи се на „24 часа Ле Ман“. Светски познатата трка е предизвик за голем број врвни автомобилисти, а Алонсо според договорот што го има со Мекларен, има право и да се трка и во друг вид на натпреварувања.
Откако минатата година беше дел од трката во Индијанаполис, тој реши годинава да ја прифати поканата на организаторот и ќе биде дел од силната трка во Франција.
„Не е тајна дека Фернандо веќе подолго време сакаше да се трка на Ле Ман, а нам како организатори ни е чест што и еден врвен Ф1 возач ќе биде дел од оваа трка во 2018 година“ – соопштија организаторите на познатата трка.
Воедно, објавен беше и автомобилот што Алонсо ќе го вози на „24 часа Ле Ман“, ремек-дело на компанијата „Тојота“ со 1.000 коњски сили.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
