Комплетирајќи го ростерот за новата сезона во Суперлигата, екипата на КК Соколи од Штип се засили и со Американецот Џеј Пал!
Станува збор за атлетично крило високо 206 сантиметри, кое зад себе има богато НЦАА искуство настапувајќи за Џексонвил, Кемпбел и реномираниот Сан Диего.
Професионалната кариера го однела потоа во Грузија, Белгија и Мексико, а во сезоната 2025/26 за екипата на Фрајлес бележи 13,2 поени и 5,5 скока.
„Со својата висина, атлетизам, разновидност и енергија на двата краја од теренот, Пал треба да биде значајна сила во нашиот состав“ – порачуваат од КК Соколи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
