Кожув донесе нов странски кошаркар како засилување, откако денеска го комплетираше трансферот на Ентон Максвел. Станува збор за американски кошаркар кој настапува на крилната позиција, а преселбата во Гевгелија ќе биде негово прво искуство во Европа.
Максвел е второто странско засилување за Кожув, откако тимот на Алек Јончевски претходно го договори и хрватскиот центар Антун Маричевиќ.
Прволигашот од Гевгелија го доведе и Шалев од Академија ФМП, како и Бешлиоски. Во однос на ланскиот ростер Кожув успеа да ги задржи Караџовски и Пајиќ, а тимот го напуштија Трајковски и Стајиќ, кои во пакет заминаа во Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА