Манчестер Јунајтед со пораз ја започна новата сезона во Премиерлигата. Во дербито на првото коло подобар од „црвените ѓаволи“ на „Олд Трафорд“ беше Арсенал кој славеше со минимални 0-1.
Тренерот Рубен Аморим изрази незадоволство за крајниот резултат за кој мисли дека не е фер според прикажаното на теренот, но е горд на своите играчи кои како што вели докажале дека можат да победат било кој противник во Премиерлигата.
„Тешко е да загубите на ваков начин“, вели Амрим осврнувајќи се на контроверзно примениот гол. „Тешко е и да морате да се туркате и да одите на топка. Но мора да бидеме посилни во вакви моменти и мораме да го правиме исто на спротивната страна. Не ги менуваме правилата, треба да се прилагодиме на нив“
„Ова беше добар настап. Горд сум на играчите и покрај тоа што на крајот загубивме. Може и да победите и да загубите, но горд сум на тоа како настапија. Убаво е чувството. Денеска докажавме дека можеме да победиме на секој натпревар во Премиерлигата особено против силен тим како Арсенал. Ние бевме подобриот тим“, додаде португалскиот стратег.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
