Кога Килијан Мбапе пристигна во Реал Мадрид во 2024 година, многумина се сомневаа дека некогаш ќе биде повеќе од класична машина за голови. Никој никогаш не го довел во прашање неговиот напаѓачки талент: 44 гола во неговата дебитантска сезона се доказ за тоа, но критичарите посочија на неговата неподготвеност да се брани и тенденција да исчезне од играта кога Мадрид ја нема топката.
Денес, под палката на Чаби Алонсо, таа перцепција полека, но видливо се менува. Шпанскиот тренер, познат по својот методичен пристап, јасно стави до знаење дека пресингот и одбранбената одговорност се задолжителни. Мбапе, можеби за прв пат во својата кариера, целосно ја прифаќа таквата филозофија.
Најдобар пример беше виден во победата против Марсеј во Лигата на шампионите. Французинот не беше само двоен стрелец, туку и „првиот дефанзивец“ на Реал. Го водеше пресингот, го прекина градењето на нападот на противникот и се врати длабоко во својата половина.
Бернабеу силно аплаудираше на неговиот спринт во 73. минута исто толку гласно колку што беа постигнати головите. Навивачите секогаш сакаат да гледаат борба. Тоа е верзијата на Мбапе што Луис Енрике никогаш не можеше да ја „отклучи“ во Пари Сен Жермен.
Видеото во кое Енрике разговара приватно со Мбапе е познато. Сепак, Килијан никогаш не стана таков под неговиот палка.
„Во нападот си бог. Но, кога не напаѓаш, мора да бидеш најдобриот дефанзивец во историјата. Тоа е лидерство и тоа е она што го прават вистинските лидери“, ќе рече тогаш Енрике.
И статистиката ја потврдува промената. Оваа сезона во Ла Лига, Мбапе имаше просек од дури 2,5 украдени топки по натпревар, во споредба со малку повеќе од една минатата година. Неговите спринтови со висок интензитет за да ги запре противниците се исто така во пораст, и дефанзивните соборувања станаа понавремени и порешителни.
Во исто време, неговата напаѓачка брилијантност не ослабе – напротив, е уште поостра. Мбапе изгледа поопасно од кога било. Со девет гола во седум натпревари, тој е лидер во Ла Лига по бројот на шутеви, очекувани голови, дриблинг и акции што создаваат шанси. Навивачите на Реал Мадрид се особено среќни што Мбапе ја врати смиреноста од пенал, што често му создаваше проблеми минатата сезона.
Секако, оваа сезона е само на почеток, а вистинските тестови како Јувентус, Барселона, Ливерпул и Сити допрва доаѓаат. Сепак, во играта на Мбапе може да се почувствува нова димензија – помалку бркање по сопствените рекорди и поголема желба да освои сè со Реал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
