Реал Мадрид на пријателски натпревар во САД славеше со 2-0 против Јувентус со головите на Карим Бензема и Марко Асенсио.
Анчелоти по мечот не го криеше задоволството од играта на својот тим, а на новинарско прашање дали му е подобра поставката Валверде – Камавинга – Чоуамени во средината, или онаа Модриќ – Крос – Кашемиро, ќе рече…
„Ми се допаѓаат двете варијанти. Тоа се две варијанти, рок’н’рол и класика. Кашемиро, Модриќ и Крос ги викам ‘бермудски триаголник’ затоа што во него исчезнува топката. Овој тим никогаш нема да загуби глад за трофеи се додека ги имам нив тројца“ – вели Анчелоти.
Тренерот на Реал одговараше и на прашање што мисли за Барселона која беше на раб на банкрот, но ова лето потроши најмногу на фудбалскиот пазар.
„Ништо повеќе не ме чуди во фудбалот. Тие подготвуваат врвен тим, но јас размислувам само за мојот тим. Ја почитуваме Барселона, тоа со сигурност може да го кажам“ – истакна Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
