Карло Анчелоти ужива во новите моменти на слава откако италијанскиот стратег оствари нов фантастичен успех со пласманот во финалето од Лигата на Шампионите, со елиминација на ПСЖ, Челси и Манчестер Сити.
„Тоа е големината на овој клуб, што не ти дозволува да се предадеш во ниту еден момент, дури и кога губиш и ти требаат два гола да се вратиш, а се игра судиското продолжение. Ова е Реал Мадрид, ние секогаш веруваме во себе и ништо не е невозможно. Можеме да бидеме горди, ќе играме финале, а на патот до него елиминиравме три екипи кои беа меѓу главните фаворити за титулата“, истакна Анчелоти.
Тој откри и какво мотивациско видео подготвил за фудбалерите во пресрет на синоќешниот реванш.
„Склопивме компилација од сите пресврти кои ги направивме во текот на сезонава, како во ЛШ така и во домашното првенство. Го погледнавме видеото, кое завршуваше со зборовите, ајде уште еднаш… И успеавме“, задоволно изјави Анчелоти.
Во големото финале Реал Мадрид за противник ќе го има Ливерпул.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА