Реал Мадрид вчера славеше против Севилја, па за „кралевите“ остана само уште последното формално коло за крај на сезоната.
А, токму последното коло ќе биде и последен натпревар за две ѕвезди на клубот во реаловиот дрес.
„Ќе има збогување за некои играчи на последниот натпревар на стадионот „Сантијаго Бернабеу“, рече и тренерот Алваро Арбелоа на вчерашната прес-конференцијата.
Иако не ги именуваше, станува збор за искусните дефанзивци Дани Карвахал и Давид Алаба.
Arbeloa: “Habrá despedidas de algunos jugadores en el último partido en el Santiago Bernabéu.”
Pues se van Carvajal y Alaba. pic.twitter.com/uqA6UfXvW1
— (fan) yas (@yassronaldo) May 17, 2026
34-годишниот Карвахал, капитен на Реал, освои шест титули во Лигата на шампионите со клубот и има четири титули во шпанското првенство. Одигра 450 натпревари за „кралскиот клуб“.
Алаба, Австриец кој често имаше проблеми со повреди, на 33-годишна возраст, исто така, ја менува средината. Со Реал, тој освои две титули во Лигата на шампионите (две претходно освоени со Баерн) и три титули во Шпанија.
Одигра 131 натпревар за Реал и постигна пет гола со девет асистенции.
И двајцата треба да бидат на Светското првенство, но дали ќе одат и дали е време за целосен крај на нивните кариери, останува да се види.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
