Кошаркарската репрезентација на Аргентина на крилата на ветеранот Луис Скоја кој стана втор најдобар стрелец во историјата на Мундобаскетот ја совлада Нигерија со 94-81 во второто коло од Светското првенство во Кина.
Аргентинците одлично го отворија натпреварот добивајќи ја првата четвртина со 28-17. Вториот период изненадувачки Нигеријците возвратија на ист начин, добивајќи го со единаесет поени разлика, за на полувреме да се замине со изедначен резултат 43-43. Во второто полувреме пресуди искуството на „гаучосите“ кои со одличната игра во третата четвртина успеаја да дојдат до конечен триумф над Нигерија од 94-81.
Најдобар поединец на натпреварот беше искусниот Луис Скола кој имашѓе дабл-дабл учинок од 23 поени и 10 скока. Кај Нигеријците најдобар беше Џош Окоги со 18 поени.
Венецуела ја забележа првата победа на шампионатот добивајќи го Брегот на Слоновата Коска со 87-71, додека Тунис го совлада Иран со 79-67.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
