Арсенал успеа да се спаси од пораз во 20. коло од Премиер лигата на гостувањето против Бурнемаут, извлекувајќи и по негатива од 3-0. „Топчиите“ постигнаа три гола во периодот од 70. до 92. минута за конечни 3-3.
Бурнемаут дојде до предност уште во 16. минута со погодокот на Даниелс, а во 20. минута веќе беше 2-0 со голот на Вилсон. Фрејзер во 58. минута стрелаше и за убедлива предност на домашните од 3-0.
All Goals Half Time HD – Bournemouth 2-0… by goloviligaRyan Fraser Goal HD – Bournemouth 3-0 Arsenal… by Zkrisz
Дополнителен проблем за „топчиите“ беа и повредите на Кокелин уште во 28. минута, а потоа и на Кошчелни во 64. минута, по што беа принудно заменети.
Но, сепак, во продолжението, Арсенал не се откажа од обидот да дојде до комплетен пресврт, и успеа во тоа. Најпрво Алексис Санчез во 70. минута намали на 3-1.
Alexis Sanchez Goal HD – Bournemouth 3-1… by alexandru-paul29
Во 75. минута, Перез успеа да го постигне и вториот гол за „топчиите“…
Lucas Perez Goal HD – Bournemouth 3-2 Arsenal… by footballderby
А, конечно во 92. минута Оливие Гиру ги постигна конечните 3-3… Бурнемаут во 83. минута остана и со играч помалку по исклучувањето на Францис, па тоа успеа да го искористи Арсенал и стигна барем до израмнување.
По ова реми Бурнемаут со 25 бода остана на деветтата позиција на табелата, а Арсенал остана на четвртото место со 41 бод. „Топчиите“ се на еден бод минус во однос на третопласираниот Манчестер сити, додека на врвот се Челси со 49 бода и Ливерпул со 44 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
