Атлетико Мадрид е на добар пат да заврши одличен трансфер откако шпанскиот гигант ги договори условите со Алехандро Грималдо, левиот бек на Баер Леверкузен кој е подготвен да се врати назад во татковината.
Грималдо лани остана покажувајќи лојалност кон „фармацевтите“ кога главните ѕвезди Вирц, Џака и Фримпонг решија да си заминат, тој сега има само уште една година од договорот, а Баер ќе му излезе во пресрет и ќе дозволи негово заминување за соодветна отштета.
Екс-шампионот на Германија бара 30 милиони евра, но се очекува и оваа сума да биде намалена, па Атлетико да плати околу 20 милиони за искусниот 30-годишен дефанзивец кој за првпат ќе игра професионално во шпанската Ла Лига.
Имено, Грималдо е „дете на Барселона“, тој првите чекори ги направи во академијата на каталонскиот гигант, но на сениорски план најпрвин настапуваше за Бенфика, од каде се пресели во Баер Леверкузен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
