Кошаркарите на Австралија со една нога се меѓу осумте најдобри на Светското првенство во Кина, откако во првиот меч од новоформираната Л група, ја совладаа Доминиканска Република со 82-76.
Фаворитите подобро го почнаа мечот, успеваа да погодат скоро од секоја позиција, а по десет минути игра заминаа со предност од 24-19. Во втората четвртина Доминиканска Република ги консолидираше своите редови и со одлична игра во одбраната успеа да го намали резултатот и на полувреме да се замине со само два поени предност за „кенгурите“ (40-38).
Добрата игра на Доминиканска Република продолжи и во третата четвртина каде во 35. минута по подолго време успеаја да стигна до израмнување (46-46). Бејнс доби втора техничка грешка, поради која беше исклучен. Селекторот на Австралија мораше да интервенира со тајм-аут, по кој неговите избраници заиграа подобро и до крајот на третиот период повторно стигнаа до предност од плус пет (57-52).
Во последната четвртина се разигра Пети Милс, што беше доволно Австралија да стигне и до четвртата победа на Мундобаскетот (82-76).
Милс со 19 поени беше најефикасен кај Австралијците, додека Гулдин уфрли 15. Кај Доминиканците се истакна Варгаз со 16 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
