Кошаркарките на Бадел ја спасија првата меч топка откако славеа на третиот натпревар од финалната серија против Крива Паланка на домашен терен со 71-69 и намалија на 2-1 во финалната серија во шампионатот на Македонија.
Гостинките напаѓачки подобро го отворија натпреварот и по десет минути игра имаа предност од 19-24. По израмнетиот втор период Крива Паланка успеа ја пауза меѓу двете полувремиња да замине со позитива од шест поени 37-43.
Бадел заигра многу подобро во вториот дел. Се приближуваа до противникот, а на 30 секунди до крајот со поените на Чолакоска успеаја да стигнат до израмнување 69-69. Робинсон промаши чисто положување, а тоа го казни Чолакоска која на две секунди до крајот го донесе Бадел до победа од 71-69.
Арин Фриман со 25 поени беше прво име кај победникот, додека кај поразените Диани Робинсон постигна 30 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
