Баерн е велесила во Германија, рурското дерби без победник

Баерн Минхен забележа нова убедлива победа во Бундес-лигата, декласирајќи го составот на Аугсбург со преубедливи 6-0 за уште еден чекор напред кон шампионската титула. Роберт Левандовски постигна хет-трик за баварскиот гигант, а во гол-шоуто на „Алијанц арена“ учествуваа уште и Милер (два гола) и Тијаго.

Серијата слаби игри ја прекина тимот на Лајпциг, кој по двата порази во низа попладнево го декласираше Дармштад со 4-0. Кеита уште еднаш покажа колку е значаен за Лајпциг, постигнувајќи два гола за овој тим на својот камбек по паузата од неколку средби откако претходно колабираше среде натпревар. Покрај Кеита, погодоци за Лајпциг постигнаа уште и Форсберг и Орбан, со што оваа екипа се зацврсти на второто место на табелата.

Рурското дерби меѓу Шалке и Борусија Дортмунд заврши без победник, 1-1, со што „милионерите“ останаа зад Хофенхајм на четвртата позиција на табелата. Обамејанг ги доведе гостите од Дортмунд во водство, но бод за домаќините спаси Керер на додавање на Горецка.

Резултати Германија:

Хамбургер – Келн 1-1, Баерн М. – Аугсбург 6-0, Фрајбург – Вердер 2-5, Лајпциг – Дармштад 4-0, Шалке – Борусија Д. 1-1.

All Goals & highlights HD – Bayern Munich 6-0… by footballderby
All & Goals & Highlights RB Leipzig 4-0… by LiveGoalsTV
Pierre-Emerick Aubameyang Goal – Schalke 04 vs… by Goalsport
Thilo Kehrer Goal Schalke 1 – 1 Dortmund BL 1-4… by eurofoot4

Се вчитува...