Муарем Бајрами од новата сезона целосно ќе се посвети на функцијата шеф на стручниот штаб на Шкупи, откако реши да ја заврши играчката кариера и целосно да се посвети на тренерскиот ангажман во прволигашот од Чаир.
Бајрами пред крајот на минатата сезона беше именуван за тренер-играч на Шкупи, а по последните разговори со управата на клубот донесе одлука да ја заврши играчката кариера и да биде предводник од клупата на овој клуб, потпишувајќи двогодишен договор како тренер на Шкупи.
„За мене е голема чест да водам тим како Шкупи, но истовремено чувствувам и огромна одговорност поради овој предизвик. Сакам да им се заблагодарам на челниците на клубот за довербата што ми е укажана, имаме добар тим на располагање. Со неколку засилувања и со максимална поддршка од навивачката група Шверцери, верувам дека ќе ги оствариме зацртаните цели“, изјави Бајрами, кој како играч има над 250 настапи за Шкупи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
