Легендарниот кошаркар, Чарлс Баркли смета дека асот на Милвоки Бакс, Јанис Адетокумбо ја заслужува наградата за најкорисен играч сезонава во НБА лигата. Сигурно е дека Јанис заедно со Леброн Џејмс се најголеми кандидати за освојувањето на МВП наградата во регуларниот дел од сезоната.
„Идиот е тој кој ќе гласа за Леброн пред Јанис. Замислете Леброн да има скор 53-9 со Крис Мидлтон како втор најдобар кошаркар во тимот“, изјави Баркли.
Јанис сезонава игра навистина одлично, просечно бележејќи по 29,6 поени, 13,8 скока и 5,8 асистенции, додека Џејмс ги предводи Лејкерс до најдобар скор на Западот со 25,6 поени, 10,7 асистенции и 7,8 скока просечно по натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
